Search

Mar a chaidh Diarman a chur gu bàs.

Date May 1954
Track ID 31709
Part 1

Track Information

Original Track ID

SA1954.43.5

Original Tape ID

SA1954.043

Summary

How Diarman was put to death after killing the Fingalian women in Ardnamurchan.

The Fingalians gathered in Ardnamurchan and hunted throughout the Rough Bounds, sometimes going as far north as Skye. They included Diarman, Reatha and Oisean.

They noticed that their womenfolk got fat whenever they went hunting. One day they left Diarman behind when they went hunting. They were on the Isle of Skye when they noticed their home was on fire and off they went. They had to leap across the sound between Glenelg and Skye. Reatha didn't make it across but the others continued.

When they got home they discovered that Diarman had pretended to be asleep, the women suspected something was up and tied his hair to a post. They put something in his mouth. He woke up with a start and left his hair on the post. He caught the women and set fire to them. The Fingalians killed Diarman. That's why they almost disappeared from these parts.

Item Subject/Person

An Fhèinn; Diarman

Recording Location

County - Inverness-shire

Parish - Arisaig and Moidart

Village/Place - Arisaig

Item Location

County - Argyllshire

Parish - Ardnamurchan

Language

Gaelic

Genre

Story

Collection

SoSS

Transcription

Calum MacIllEathain: Seadh, ma-thà. An cuala sibh fhèin, ma-thà, gun robh leithid a rud ann ri Fiantaichean anns an àite seo?

Donald MacDonald: Chuala. Agus 's e an ceann-suidhe a bh' aca, far an robh an Fhèinn a' cruinneachadh, 's ann air taobh Àird nam Murchan. Agus 's ann bhuaithe sin a bhiodh iad a' falbh a shealg air feadh nan crìochan Gàidhealach, agus a' dol uaireannan cho fada tuath ris an Eilean Sgitheanach. Agus bha fear dhiubh dham b' ainm Diarman, agus bha fear eile air an robh Reatha, agus bha fear air an robh Oisean, agus bha feadhainn eile dhiubh ann nach eil cuimhn' agam an-dràsta ro mhath c' ainm a bh' orra.

Ach tha e coltach rium, tha naidheachd a' dol gun d'fhalbh iad... gun robh iad a' cur uibhreachd air na mnathan aca, a bha iad a' fàgail às an dèidh ann an Àird nam Murchan dar a rachadh iad a shealg, gun robh iad a' fàs uabhasach reamhar. Agus bha e a' cur iongnadh mòr orra. Agus air latha dhe na lathaichean, dh'fhàg iad fear dhiubh aig an taigh, air an robh Diarman, agus dh'fhalbh càch agus rinn iad air an t-sealg.

Agus tha e coltach rium gun robh iad air taobh an Eilein Sgitheanaich dar a thug iad an aire gun robh an Fhèinn na teine air taobh Àird nam Murchan. A-mach a ghabh iad. Chuir e iongnadh mòr orra an Fhèinn a bhith na teine. Agus tha e coltach rium gun robh aca ris an àite, ris a' chaol a tha shuas eadar Gleann Eilg agus an t-Eilean Sgitheanach a leum, agus anns an leum chaidh am fear dhiubh air an robh Reatha sìos agus cha d' fhuair e gu tìr.

Ach chùm càch romhpa, agus dar a ràinig iad an taigh fhuair iad a-mach dè bu choiriche an Fhèinn a bhith na teine. Tha e coltach rium gun do ghabh Diarman air gun robh e na chadal, agus smaoinich na boireannaich gun robh rud air choreigineach fos-near dha dar a dh'fhuirich e an latha sa aig an taigh, agus cheangail iad am falt aige ri posta a bha goirid bhon àite san robh e san leabaidh, agus chuir iad rudeigin sìos na bheul. Agus dhùisg esan le clisgeadh, agus dh'fhàg e falt a chinn air a' phosta.

Dh'èirich Diarman an sin anns a' phian anns an robh e, agus rinn e grèim air na boireannaich, agus chuir e ri theine a h-uile duine dhiubh, a h-uile tè dhiubh. Agus dar a thàinig càch dhachaigh, 's e siud a bha romhpa.

Ach bith dè a bha Diarman ag ràdhainn riutha, cha do ghabh sin... cha do ghabh iad mòran leisgeil air, agus chuir iad Diarman gu bàs. 'S ann air sàillibh sin a bha iad ag ràdhainn nuair a thàinig cha mhòr crìoch air an Fhèinn 's air na Fiantaichean anns a' cheàrn a bha seo.

Source Type

Reel to reel

Audio Quality

Good