Obair air a' chroit as t-earrach agus as t-samhradh.
Track Information
Original Track ID
SA1967.28.A2
Original Tape ID
Summary
The croft work that was done in Barvas in the spring and summer.
The contributor explains the work that was done on the croft in spring and summer. At the end of March seaweed would be cut and left in a pile till the beginning of May, when the potatoes would be planted. Seaweed was the best fertiliser for potatoes planted in sandy soil. The ground where last year's potatoes had been planted would be ploughed twice and used for barley. After the potatoes, oats were planted and, finally, barley. Soot was also used as a fertiliser on potatoes. In June and July, peats would be cut and then people would take the cows out to the sheiling.
Item Location
County - Ross and Cromarty
Parish - Barvas
Island - Lewis
Village/Place - Barvas
Language
Gaelic
Genre
Collection
Transcription
Norman Paterson (NP): 'S e... bhiodh iad a' dol dhan an tràigh-fheamad leis an reothart a b' àirde, timcheall air deireadh March, gus am faigheadh iad a-mach cho fada nuair a bhiodh an tràigh a-muigh, 's bhiodh iad a' gearradh na feamad sin gus an ruigeadh iad faisg air cho àrd 's a bhiodh am muir a' dol, gus an cuireadh an làn a-steach an fheamainn cho faisg air bàrr a' chladaich 's a b' urrainn dhaibh, 's nach biodh aca ri falbh leatha cho fada. 'S bhiodh iad a' dol a choinneachadh... air a thigeadh an làn a-steach a-rithist, bhiodh iad a' coinneachadh na feamad sin man a dh'fhàgadh am muir i, 's bhiodh iad ga cur suas gu bàrr a' mhuir ann an clèibh, 's a' dèanamh dùintean dhith ann an sin. 'S bhiodh iad a-rithist a' roinn nan dùintean. Bhiodh tòrr slàn aig far am biodh dithis; bloigh tòrr far am biodh aon duine. 'S bhiodh duine bhos an cionn a' cunntadh nan clèibh gus nach biodh barrachd anns an dàrna dùn a bharrachd air na bhiodh anns an dùn eile. 'S bhiodh an fheamainn sin air a fàgail an sin a-rithist gus an deigheadh am buntàta a chur, mu thoiseach May. 'S e feamainn a bhiodh iad a' cur air buntàta na gainmheach bhon 's i a b' fheàrr a bha a' freagairt dhaibh, dhan a' ghainmhich.
'S bhiodh iad a-rithist ag eilghidh. An talamh anns an robh buntàta a' bhliadhna ron a sin, bhiodh iad ag eilghidh, agus a' tionndadh an talamh sin dà uair airson an eòrna. 'S e an t-eòrna... 's e an coirce a bhiodh iad a' cur às dèidh a' bhuntàta, agus 's e an t-eòrna an rud bho dheireadh a bhiodh iad a' cur. Agus 's e sùith an todhar a bhiodh a' dol air a' bhuntàta, 's cha d' fhuair sibh buntàta riamh cho tioram ri buntàta air an deigheadh sùith. 'S ann air a thigeadh an [?t-àile] dhen a' mhòine, mu dheireadh June no toiseach July, 's ann a b' àbhaist dhaibh a bhith a' buain na mònadh. 'S ann an uair sin às dèidh a' mhòine a bhuain, 's ann a bhiodh iad a' dol chun na h-àirigh leis a' chrodh.
Source Type
Reel to reel
Audio Quality
Good