Search

Sgrìob Liath an Earraich.

Date 02 August 1953
Track ID 4180
Part 1

Track Information

Original Track ID

SA1953.173.2

Original Tape ID

SA1953.173

Summary

Sgrìob Liath an Earraich - how a wife gave away food to a tramp.

A young man came home to find his wife had a table laden with butter, cheese etc. for him. He told her to keep some for "Sgrìob Liath an Earraich". A while later, a tramp came by and the wife asked him if he was Sgrìob Liath an Earraich. He said he was and she gave him all the stored food. Later, her husband told her to bring out some of the food she had stored away. She had to explain that she had given it to the tramp, and why.

Language

Gaelic

Genre

Story

Collection

SoSS

Classification

AT1541

Transcription

Niall MacFhionghain (NM): Tha e air innse air ioma dòigh mu dheidhinn Sgrìob Liath an Earraich, agus seo dòigh dhen a chuala mise e. Bha càraid òg ann, agus bha an duine a-mach fad an latha gu math tràth anns a' Mhàrt a' [?rùdhadh], agus thàinig e... thàinig e dhachaigh, 's nuair a thàinig e bha a h-uile greadhnachas air a' bhòrd; pailteas de dh'ìm 's de chàise. Agus:

"Ò, dhìol," ars esan, "dh'fhaodadh tu..." ris a bhean, "dh'fhaodadh tu a bhith air pàirt dheth seo fhàgail gus an tigeadh Sgrìob Liath an Earraich."

Agus:

"Ò ma-thà," ars ise, "nì mi sin."

Agus cha robh guth tuilleadh air. Bha am bòrd gu math lom aige tuilleadh fad an earraich. Ach latha dhe na làithean, thàinig seann bhodhachan grànda, stiallach, phiollagach an rathad, agus dh'fhaighnich a' bhean dheth:

"An tusa Sgrìob Liath an Earraich?"

"Ò tha gu dearbh, is mi," ars esan, "agus 's e fìor Sgrìob Liath an Earraich a th' annamsa."

"Ò ma-thà," ars ise, "tha rud agamsa ann a sheo, a dh'iarr an duine orm... agam orm a ghleidheadh dhut gus an tigeadh tu."

Agus thug i a-nuas an t-ìm 's an càise a ghlèidh i seachad cho cùramach fad an t-siubhail gu sin, agus thug i dha e 's dh'fhalbh e leis gu toilichte. Greis às dèidh sin, nuair a bha an t-earrach gus a bhith seachad, agus an duine a' fàs fann, thuirt e:

"Uill, gabhamaid a-niste pàirt dhe na chuir thu air a' bhòrd dhinn an toiseach.

"Ò dhìol," ars a' bhean, "nach tug mi seachad e."

"Cò dha," ars esan, "a thug thu e?"

"Thug," ars ise, "do Sgrìob Liath an Earraich, an creutair truagh dheth a thàinig e timcheall ann a sheo. Dh'aithnich mi gur h-e a bh' ann, agus dh'fhaighnich mi dheth, 's thuirt e gur h-e, 's thug mi dha uile e."

Iain MacAonghuis (IM): Agus a-nise, cha b' e, mar gum bitheadh, Sgrìob Liath an Earraich fhèin a bh' ann idir? Fhios agaibh, mar a chuala mise an stòiridh an triop ud 's e Sgrìob Liath an Earraich fhèin a bha san duine, ach cha b' e sin e mar a chuala sibhse idir an sgeulachd ud?

NM: Ò chan e. Cha robh seo ach... ach dìreach gun do ghabh an duine an t-ainm bhon a thug bean an taighe dha e.

IM: Dìreach sin. Glè mhath.

Source Type

Reel to reel

Audio Quality

Good