Rannsaich

'S Tha Iomadh Saighdear air Tighinn a-nall

Fiosraichean
Ceann-latha November 1964
Àireamh a’ chlàir 106140
Pàirt 1
Pàirt 2

fiosrachadh a' chlàraidh

Àireamh a' Chlàir Thùsail

SA1964.89.B13

Àireamh an Teip Thùsail

SA1964.089

Geàrr-chunntas

Òran a rinneadh anns an sgìre, a' caoidh gun deach saighdear òg a mharbhadh anns a' Chiad Chogadh. Tha beagan air innse mun tè a rinn an t-òran, agus mun fhear dhan do rinn i e.

Àite a' Chuspair

Siorrachd - Siorrachd Inbhir Nis

Paraiste - Uibhist a Deas

Eilean - Beinn a' Bhadhla

Cànan

Gàidhlig

Seòrsa

Òran Fiosrachadh

Cruinneachadh

SoSS

Tar-sgrìobhadh

Kate Monk (KM):

'S tha iomadh saighdear air tighinn a-nall
'S tha mòran, mòran, a dh'fhuirich thall
'S gur h-e mo dhìobhail thu bhith nad shìneadh
A Mhic a' Phì 's gum b' e sin an call.

'S gu bheil do mhàthair gu trom fo bhròn
Is tha do chàirdean air iomadh dòigh
Mun fhiùran àlainn a rinn am fàgail
San Fhràing an càradh an-diugh fon fhòd.

'S bha thu fìnealta, grinn, gun mheang
Gur h-iomadh nìghneag a bh' ort an geall
Bha thu bàidheil is math dhad nàbaidh
Is fiamh a' ghàir' ort sa h-uile h-àm.

'S bha thu maiseach an iomadh dòigh
A' stiùireadh bàta bu mhath do làmh
Cà 'n do dh'àraicheadh riamh san dùthaich
Fear bu chliùitiche na thu bh' ann.

'S bheir an t-soraidh 's an t-soraidh bhuam
A-null far sàile air bhàrr a' chuain
Far bheil thu an càradh glè fhad' bhod chàirdean
Ach fois is tàmh dhut san t-saoghal bhuan.


Dòmhnall Eairdsidh Dòmhnallach (DE): 'S ann a-nist do bhràthair dhuibh fhèin a rinneadh an t-òran a bha siud?

KM: 'S ann, a mharbhadh sa Chiad Chogadh.

DE: Seadh, dìreach. 'S cò rinn e?

KM: Rinn an tè seo air a bheil sinn a' bruidhinn e. An tè aig am biodh Catrìona a' cluinnteil mòran dhe na h-òrain ann an siudach. Mòr... nighean [???] 'ic Iain 'ic Fhionnlaigh.

DE: Dè an fhine a bh' aice?

Catrìona NicCarmaig (CN): Mòr NicIllFhialain.

KN: Mòr NicIllFhialain. Mòr NicIllFhialain. Nach bochd gun do chaill mi an ceòl.

Cruth Inneal a' Chlàir

Reel to reel

Càileachd an Fhuaime

Math