spacer
spacer

A' cur a' bhuntàta anns na feannagan taomaidh.

Clàr 1 de 1
« An clàr roimhe  |  An ath-chlàr »
Tiotal a' Chlàir - A' cur a' bhuntàta anns na feannagan taomaidh.
Fiosraichean - Lachlann MacLeòid
Luchd-clàraidh - Dòmhnall Eairdsidh Dòmhnallach

Geàrr-chunntas - A' cur a' bhuntàta anns na feannagan taomaidh.

Nuair a tha an taomadh deiseil tha iad a' cur a' bhuntàta - chan fheum iad ràcadh idir. Thathar a' cur nan sùilean sia òirlich bho chèile le sliobhag airson tuill a dhèanamh san fheannaig. Tha na sùilean ann an sgùird ceangailte air beulaibh an duine a tha a' cur. Tha na sùilean air am putadh sìos dha na tuill a rinneadh leis an t-sliobhaig. Tha croisean air an t-sliobhaig agus sgonnan airson a putadh dhan ùir le cas an duine a tha a' cur. Tha na sùilean a' laighe air uachdar na feamad san fheannaig. Nuair a tha iad ullamh cur airson an latha tha iad a' dùnadh nan toll le ràcan. Tha ceithir sreathan buntàta anns gach feannaig, a tha còig troighean de leud. Tha na sùilean air gearradh a-mach às a' bhutàta nan sgealban agus an còrr dhen bhuntàta (glaodhan) air a thilgeil air falbh - cha bhi iad gan toirt dha na beathaichean idir.

An dèidh a ràcadh, cha bhi iad a' dol an còir a' bhuntàta gus am bi iad ga thogail. Uaireannan, nam biodh talamh mòintich ann a bhiodh a' sgagadh, dh'fheumadh iad smùr mònadh a chur air uachdar airson na tuill a chumail dùinte. Cha bhi mòran luibhean a' fàs anns na feannagan idir.

'S e Kerr's Pink am buntàta as cumanta a bhios iad a' cur agus b' àbhaist buntàta ruadh a bhith aca. Tha aon duine ga chur fhathast. Bha buntàta geal - Bowman - cumanta ann am Paibeil is Haisgeir ach bha e trom air gaiseadh. 'S e Kerr's Pink as fhreagarraiche airson Griomasaigh ach bidh seo fhèin a' gaiseadh uaireannan. Bha buntàta dubh aca bho chionn fhada. Bidh iad a' togail a' bhuntàta le cròcan, ga chur ann am pocannan agus ga chur ann an tòrr, le sgrathan air an uachdar is tuill airson gaoth a leigeil a-steach.

Fad a' Chlàir (h:m:s) - 00:10:36
Àm Clàraidh - 1970.03.25
Cànan - Gàidhlig
Seòrsa - Fiosrachadh
Cruinneachadh - Sgoil Eòlais na h-Alba

Àireamh a' Chlàir - 8365
Àireamh an Teip Thùsail - SA1970.041
Àireamh a' Chlàir Thùsail - SA1970.41.AD
Càileachd an Fhuaime - Math
Cruth Inneal a' Chlàir - R2R



Àite Clàraidh:
  Siorrachd - Siorrachd Inbhir Nis
  Paraiste - Uibhist a Tuath
  Eilean - Griomsaigh


Àite a' Chuspair:
  Siorrachd - Siorrachd Inbhir Nis
  Paraiste - Uibhist a Tuath
  Eilean - Griomsaigh

Notaichean a' Chlàir -

Ceangal Maireannach - http://www.tobarandualchais.co.uk/gd/fullrecord/8365/1




Clàr 1 de 1
« An clàr roimhe  |  An ath-chlàr »
spacer
spacer
BBC Alba
The National Trust for Scotland
Sabhal Mor Ostaig
EDINA