B1 20 Na h-Eileanan | The Islands

Transcription

Mòrag: Agus a-nise, bha iad a’ ciùradh is ag obair air sgadan ana sheo fhèin an uair sin. 

Coinneach: Bha... seachd... naoi ciùrairean ana sheo ann an Sgalpaigh. Naoi stèiseanan ann an Sgalpaigh an uair ud. 

Mòrag: Agus am biodh sibhse a’ reic èisg ana sheo?

Coinneach: Reic sgadain agus a’ reic an ugsa, a’ reic an truisg, a’ reic... cha robh an còrr…Bha sin a’ dol... srainnsearan cha robh... cha deigheadh tu dà cheum a-mach bho do dhachaigh nach coinnicheadh srainnsear thu... na h-eathraichean ‘packed’... ri eathar o cheann gu ceann dhen acarsaid.

Mòrag: Agus am biodh iad sin a’ fuireach air bòrd nan eathraichean?

Coinneach: A’ fuireach air bòrd nan eathraichean is a’ fuireach na ‘weekends’ bha iad cho fad on dachaigh.

Mòrag: Far an taobh sear?

Coinneach: Far an taobh sear is far an taobh an iar.

Mòrag: Is an e an aon seòrsa bhàtaichean a bh’ aca sin?

Coinneach: Chan e, chan e, chan e.

Mòrag: Bha iad na bu mhotha, an robh?

Coinneach: Bha is na bu lugha. Feadhainn aca fada na bu lugha na bha againne.

Mòrag: Is an fheadhainn a bu lugha bhiodh na bu lugha criutha orra?

Coinneach: Bhiodh, cha bhiodh ann ach ceathrar. 

Mòrag: Agus em... an robh duine às a seo fhèin a bha a’ ceannach na...?

Coinneach: Bha... Bha iad a’ ceannach... Bha iad nan cùbairean a-mach o ‘chompanaies’ eile... an-dràsta...  am bùidsear... bha e aig fear Anderson à Glaschu. Is bha iad mar sin, eil fhios agad, a’ ceannach dha na daoine sin.

SpeakGaelic worksheet: https://speakgaelic.scot/wp-content/uploads/2023/09/SG-B1-C20-Na-h-Eileanan.pdf