Fiosrachadh mu ghèam ris an canar 'Cia Mheud Adhairc a th' ai...
Contributors
Fieldworkers
Date
Track ID
43895
Part 1
Track Information
Original Track ID
SA1977.90.B10
Original Tape ID
Summary
A game called 'How Many Horns Does the Buck Have'.
Information about a game called 'How Many Horns Does the Buck Have' that the contributor's mother used to play with him. She recited a rhyme while tapping his head with her fingers and he had to guess how many fingers she used.
Recording Location
County - Midlothian
Parish - Edinburgh
Village/Place - Edinburgh
Item Location
County - Ross and Cromarty
Island - Lewis
Language
Gaelic
Genre
Collection
Transcription
Iain Peatarsan (IP): Seadh a-nise, tha sibh a' dol a dh'innse tuilleadh mun an seòrsa cluich a bhiodh agaibh.
Murchadh MacLeòid (MM): Ò uill, bha aon cluich ann agus chan fhaca mise a bhiodh iad... a bhith ga... riamh e ach aig mo mhàthair. Agus... agus 's e seo man a bha... bha duan aice mu dheidhinn. Chuir... bhiodh i a' brogadh mo chinn mar siud, agus chanadh i:
Hìn a mhicein, hàn a bhuicein
Maide-sùirn, cùl an dùirn
Seall romhad 's às do dhèidh
Cò mheud adhairc a th' air a' bhoc?
Agus... chan eil fhios a'm an cuala sibh fhèin e?
IP: Chuala, chuala, chuala.
MM: Agus bha sibh... bha agamsa ri thomhas cò mheud corrag a bha i... air a bha i... a bha i a' cleachdadh nuair a bha i a' bualadh mo cheann. Agus nan saoilinn gun robh ceithir ann, chanainn:
"Tha ceithir adhaircean air a' bhoc."
Agus mas e trì a bh' air, no mas e còig a bh' air... no mas e trì a bh' air, an àite... bheireadh i aon gnogag bheag air a' cheann.
"Tha trì adhaircean air a' bhoc."
'S nam b' e dhà a bhiodh air... nan canainn-sa dhà 's gun robh ceithir meuran aice, bheireadh i dhomh dà ghnogag bheag 's chanadh i:
"Tha ceithir adhaircean air a' bhoc."
Agus uaireannan a chleachdadh i na h-uilt mar siud. Cha b' e na corragan idir. Agus chanainn... chanainn an uair sin:
"Maol am boc."
Agus ma bha na còig chorragan aice, chanadh sibh:
"Tha còig adhaircean air a' bhoc," tha fios agaibh.
IP: Agus nuair a bha sibh a' toirt seachad an fhreagairt cheart, bha ise a' toir aon ghnogag an uair sin, ma bha sibh...
MM: Cha robh. Ma bha i ceart... ma bha mise a' dèanamh an tomhais cheart, dh'fhaodainn an uair sin an aon rud a dhèanamh oirrese.
IP: Ò seadh, seadh. Tha mi a' tuigsinn a-nis. Ach ma bha sibh a' toir seachad an fhreagairt cheàrr, bha i an uair sin...?
MM: An t-eadar-dhealachadh a bha eadar na thuirt mise agus na bh' aicese. Bha i a' toir gnogag no dà ghnogag dhomh... gnogag no dà ghnogag no... air a' cheann... air mo cheann. Sin man a bha e. 'S e an duan... 's e an duan a thug na mo chuimhne e.
Hìn a mhicein, hàn a bhuicein
Maide-sùirn, cùl an dùirn
Seall romhad 's às do dhèidh
Cò mheud adhairc a th' air a' bhoc?
IP: Glè mhath. Agus a-nise a bheil sibh a' smaoineachadh an robh a' chluich a bha sin coitcheann am measg nan daoine far a...?
MM: Bha am measg nan seann daoine, ach cha robh i againne nar clann idir. Cha robh. Bha e air a dhol à cleachdadh.
IP: Bha e air a dhol à cleachdadh.
MM: Ò bha. Bha e air a dhol à cleachdadh. Ach bhiodh ise... ò, nuair a bhiodh i a' cur orm mo chuid aodaich no rudan dhen t-seòrsa sin - bha mi cho òg an sin - agus... agus... ach tha cuimhn' a'm gum biodh i... gum bithinn fhìn 's i fhèin ga chluich. Bhiodh i a' toirt orm a bhith a' cluich, dìreach airson mo chur seachad air a... airson mo chur seachad fhad 's a bhiodh i a' ceangal mo brògan no rudan dhen t-seòrsa sin. Bhiodh i an-còmhnaidh... bha mi rudeigin fiamhlanach, tha fhios agaibh. Agus bhiodh i airson m' aire a tharraing, nam biodh i a' cur orm mo bhrògan no rudan dhen t-seòrsa sin. Tha ogha beag agam fhìn dhen dearbh sheòrsa an-diugh.
IP: Dìreach. Ach dè a-nise am facal... an deagh fhacal a bh' agaibh ann a shiud? Fiamhlanach, an e?
MM: Fiamhlanach. Restless.
IP: Ò seadh, seadh. Canaibh a-rithist e.
MM: Fiamhlanach.
IP: Fiamhlanach.
MM: Cha robh càil a chuimhn' a'm gun robh fhios a'm air an dearbh fhacal gus an tàinig... thàinig e a-mach nuair a bha mi... bha mi a' bruidhinn air an siud.
IP: Thàinig, dìreach.
MM: Thàinig sin man a bha. Ach, duine a tha a-null 's a-nall... [Tha an clàradh a' stad gu h-obann an seo.]
Murchadh MacLeòid (MM): Ò uill, bha aon cluich ann agus chan fhaca mise a bhiodh iad... a bhith ga... riamh e ach aig mo mhàthair. Agus... agus 's e seo man a bha... bha duan aice mu dheidhinn. Chuir... bhiodh i a' brogadh mo chinn mar siud, agus chanadh i:
Hìn a mhicein, hàn a bhuicein
Maide-sùirn, cùl an dùirn
Seall romhad 's às do dhèidh
Cò mheud adhairc a th' air a' bhoc?
Agus... chan eil fhios a'm an cuala sibh fhèin e?
IP: Chuala, chuala, chuala.
MM: Agus bha sibh... bha agamsa ri thomhas cò mheud corrag a bha i... air a bha i... a bha i a' cleachdadh nuair a bha i a' bualadh mo cheann. Agus nan saoilinn gun robh ceithir ann, chanainn:
"Tha ceithir adhaircean air a' bhoc."
Agus mas e trì a bh' air, no mas e còig a bh' air... no mas e trì a bh' air, an àite... bheireadh i aon gnogag bheag air a' cheann.
"Tha trì adhaircean air a' bhoc."
'S nam b' e dhà a bhiodh air... nan canainn-sa dhà 's gun robh ceithir meuran aice, bheireadh i dhomh dà ghnogag bheag 's chanadh i:
"Tha ceithir adhaircean air a' bhoc."
Agus uaireannan a chleachdadh i na h-uilt mar siud. Cha b' e na corragan idir. Agus chanainn... chanainn an uair sin:
"Maol am boc."
Agus ma bha na còig chorragan aice, chanadh sibh:
"Tha còig adhaircean air a' bhoc," tha fios agaibh.
IP: Agus nuair a bha sibh a' toirt seachad an fhreagairt cheart, bha ise a' toir aon ghnogag an uair sin, ma bha sibh...
MM: Cha robh. Ma bha i ceart... ma bha mise a' dèanamh an tomhais cheart, dh'fhaodainn an uair sin an aon rud a dhèanamh oirrese.
IP: Ò seadh, seadh. Tha mi a' tuigsinn a-nis. Ach ma bha sibh a' toir seachad an fhreagairt cheàrr, bha i an uair sin...?
MM: An t-eadar-dhealachadh a bha eadar na thuirt mise agus na bh' aicese. Bha i a' toir gnogag no dà ghnogag dhomh... gnogag no dà ghnogag no... air a' cheann... air mo cheann. Sin man a bha e. 'S e an duan... 's e an duan a thug na mo chuimhne e.
Hìn a mhicein, hàn a bhuicein
Maide-sùirn, cùl an dùirn
Seall romhad 's às do dhèidh
Cò mheud adhairc a th' air a' bhoc?
IP: Glè mhath. Agus a-nise a bheil sibh a' smaoineachadh an robh a' chluich a bha sin coitcheann am measg nan daoine far a...?
MM: Bha am measg nan seann daoine, ach cha robh i againne nar clann idir. Cha robh. Bha e air a dhol à cleachdadh.
IP: Bha e air a dhol à cleachdadh.
MM: Ò bha. Bha e air a dhol à cleachdadh. Ach bhiodh ise... ò, nuair a bhiodh i a' cur orm mo chuid aodaich no rudan dhen t-seòrsa sin - bha mi cho òg an sin - agus... agus... ach tha cuimhn' a'm gum biodh i... gum bithinn fhìn 's i fhèin ga chluich. Bhiodh i a' toirt orm a bhith a' cluich, dìreach airson mo chur seachad air a... airson mo chur seachad fhad 's a bhiodh i a' ceangal mo brògan no rudan dhen t-seòrsa sin. Bhiodh i an-còmhnaidh... bha mi rudeigin fiamhlanach, tha fhios agaibh. Agus bhiodh i airson m' aire a tharraing, nam biodh i a' cur orm mo bhrògan no rudan dhen t-seòrsa sin. Tha ogha beag agam fhìn dhen dearbh sheòrsa an-diugh.
IP: Dìreach. Ach dè a-nise am facal... an deagh fhacal a bh' agaibh ann a shiud? Fiamhlanach, an e?
MM: Fiamhlanach. Restless.
IP: Ò seadh, seadh. Canaibh a-rithist e.
MM: Fiamhlanach.
IP: Fiamhlanach.
MM: Cha robh càil a chuimhn' a'm gun robh fhios a'm air an dearbh fhacal gus an tàinig... thàinig e a-mach nuair a bha mi... bha mi a' bruidhinn air an siud.
IP: Thàinig, dìreach.
MM: Thàinig sin man a bha. Ach, duine a tha a-null 's a-nall... [Tha an clàradh a' stad gu h-obann an seo.]
Source Type
Reel to reel
Audio Quality
Good