'S e Rathad an Rìgh an Uibhist a Deas an rathad a lean am Pr...

Calum MacRath: Tha rathad shuas anns a' cheann a deas an seo an Uibhist as aithnte dhomh fhìn. Tha e a' tighinn a-staigh eadar dà bhaile, agus bha iad ag ràdh a-riamh ris, 'Rathad an Rìgh'. Uill, bha e a' cur iongnadh orm fhìn riamh carson a bha an t-ainm a bha seo air, 'Rathad an Rìgh', agus chuala mi... ò 's suarach an ùine o chuala mi gu dè bu reusan da. Tha a h-uile coltas, nuair a bha Prionnsa Teàrlach Stiùbhart [?air a' run], nuair a thàinig e a dh'Èirisgeigh, bha e supposed flùraichean a chur an sin, agus tha iad a' fàs ann fhathast, àite ris an can iad Coilleag a' Phrionnsa. Uill nuair a thàinig e a dh'Uibhist, tha teansa gur e seo an rathad a ghabh e eadar an dà bhaile seo tro na croitean agus sìos am machaire gu 'n deach e gu tuath, ge brith cà 'n do stad e. Seo a-nist.